Mae Canolfan Dogfennu Ieithoedd y Byd, ar y cyd â Phrifysgol Bangor, yn dymuno cyhoeddi cynhadledd ryngddisgyblaethol bwysig i ddathlu 2008 fel Blwyddyn Ryngwladol Ieithoedd y Byd
Awst 22-23, 2008
I’w chynnal yng Nghanolfan Cynadleddau Rheolaeth Busnes Prifysgol Bangor
Cefnogir y digwyddiad hwn gan Lywodraeth Cynulliad Cymru a Phwyllgor Cenedlaethol y DU ar gyfer UNESCO
Cyhoeddodd y Cenhedloedd Unedig y bydd 2008 yn Flwyddyn Rhyngwladol Ieithoedd y Byd, gan gydnabod pwysigrwydd amlieithrwydd ar gyfer cyd-ddealltwriaeth ryngwladol. Bydd cynhadledd GUM3C yn ceisio pontio’r bwlch cyfathrebu rhwng y byd academaidd a diwydiant, gan ofyn (a cheisio ateb) cwestiynau megis:
- Sut all diwydiant helpu’r byd academaidd i flaenoriaethu ei ymchwil i amlieithrwydd, amlfoddau ac amlgyfryngau?
- Beth yw’r safonau sy’n datblygu, pwy sy’n eu datblygu a sut fyddant yn cael eu defnyddio?
- Sut fydd hyn yn creu heddwch, ffyniant economaidd a chyd-ddealltwriaeth rhwng gwledydd
Prif Siaradwyr
Christian Galinski, Cyfarwyddwr Infoterm ac Ysgrifennydd ISO TC/37
David Crystal, Athro er Anhrydedd, Prifysgol Bangor
Richard Ennals, Cyfarwyddwr Comisiwn Cenedlaethol y DU ar gyfer UNESCO
Galwad am bapurau:
Gwahoddir papurau llawn a chynigion am bosteri ar gyfer eu hadolygu gan gymheiriaid. Dylai’r papurau hyn fod yn gyfraniadau gwreiddiol heb eu cyhoeddi o’r blaen ar themâu:
- diogelu, curadu, a chadw ieithoedd a diwylliannau
- adnoddau ar gyfer ieithoedd prin eu hadnoddau
- creu isadeiledd ar gyfer amlieithrwydd
- disgrifio a dogfennu ieithoedd
- ethnigrwydd, hunaniaeth a iaith
- cyfathrebu amlfodd a chefnogaeth ar gyfer anableddau
- ieithyddiaeth gwe-gorpws
- sialensau a buddiannau’r rhyngrwyd amlieithog
- ontolegau amlgyfrwng a’r we semantig/bragmatig
a phynciau sy’n ymwneud yn gyffredinol â sialensau ar gyfer terminolegau, lecsica, ontolegau, ac adnoddau cynnwys sy’n perthyn iddynt.
Galwad am weithdai:
Croesewir ceisiadau am weithdai ar bynciau penodol. Dylai trefnwyr gweithdai gyflwyno’u pwnc i bwyllgor y gynhadledd, gan enwi’r gynulleidfa darged, thema’r gweithdy, trefnwyr y gweithdy a’u sefydliad neu gorff. Croesewir yn arbennig weithdai wedi’u hanelu at gwmnïau bach a chanolig eu maint, a’r sectorau meddalwedd, cyfieithu a diwydiannau creadigol. Bydd y gynhadledd yn medru defnyddio ystafell gyfrifiadurol bwrpasol gyda 25 terfynell gyfrifiadur (gw. yma) ac felly gellir cynnal gweithdai ymarferol arbenigol. Bydd gan ystafelloedd seminar eraill yno offer cyflwyno o safon uchel gan gynnwys taflunyddion data a sgriniau mawr.
Dyddiadau pwysig:
Dyddiad cau cynigion |
Mai 15, 2008 |
Hysbysu’r canlyniadau |
Mehefin 15, 2008 |
Cofrestru a chopi parod i’r camera |
Mehefin 30, 2008 |
Bydd llawysgrifau terfynol yr awduron yn 8.5" x 11" (dwy golofn fformat IEEE:). Ni ddylai papurau llawn fod yn fwy nag 8 tudalen o hyd. Cyflwyniadau poster i beidio â bod yn fwy na 4 tudalen. Gellir cael hyd i demplad Word a chyfarwyddiadau fformation yma.
Dylid gyrru pob ymholiad yn y man cyntaf at info@thewldc.org
Pwyllgor Gweinyddol:
Debbie Garside (Cadeirydd) , Prif Weithredwr Canolfan Dogfennu Ieithoedd y Byd (WLDC)
Delyth Prys (Ysgrifennydd), Prifysgol Bangor, y DU
Chris Cox, Rheolwr Ansawdd a Chydymffurfio GLMDR
Mike Roberts, Cadeirydd, BSI/TC TS/1
Lee Gillam, Prifysgol Surrey, y DU.
Anja Drame, Info Term
Eva-Maria Leitner, Cadeirydd Language Standards for Global Business
Pwyllgor gwyddonol:
Anja Drame, InfoTerm
Anthony Aristar, Linguist List
Chris Cox, Rheolwr Ansawdd a Chydymffurfio GLMDR
Debbie Garside, Prif Weithredwr, Canolfan Dogfennu Ieithoedd y Byd (WLDC)
Delyth Prys, Prifysgol Bangor
Don Osborn, Bisharat
Doug Ewell, IETF
Eva-Maria Leitner, Cadeirydd Language Standards for Global Business
Gerard Meijssen, OmegaWiki
Gerhard Budin, Cadeirydd, ISO/TC 37 SC2
Havard Hjulstad, Cadeirydd, ISO/TC 37 a ISO/TC 37 SC2 WG1
Jennifer de Camp, MITRE
John Cowan, IETF
Jonathan Amith, Prifysgol Yale
Karen Broome, Arbenigwr Diwydiannol
Khaled Fattal, CEO, Multilingual Internet Names Consortium
Laurent Romary, Cyfarwyddwr, Max-Planck Digital Library
Lee Gillam, Prifysgol Surrey
Maosong Sun, Prifysgol Tsinghua Beijing
Martin Benjamin, Project Kamusi
Michael Everson, Cofrestrydd Consortiwm Unicode ar gyfer ISO 15924
Mike Roberts, Cadeirydd, BSI/TC TS/1
Peter Austin, SOAS
Peter Wittenburg, Cyfarwyddwr Technegol, Sefydliad Max-Planck ar gyfer Seicoieithyddiaeth
Sue Ellen Wright, Sefydliad Ieithyddiaeth Gymhwysol Prifysgol Kent State
Digwyddiadau cymdeithasol
Cynhelir y gynhadledd i gyd-fynd â Gala Bryn Terfel a bydd cynadleddwyr felly yn medru mwynhau’r cyngherddau fin nos yn yr ŵyl enwog hon. Gweler http://www.brynfest.com am ragor o fanylion.
Teithio a Llety
Mae llety o ansawdd da ar gael am bris rhesymol ym Mhrifysgol Bangor nail ai yn y Ganolfan Rheolaeth Busnes neu yn y neuaddau preswyl. Mae’r ystafelloedd i gyd en-suite gyda chyfleusterau rhwydwaith ac ati.
Meysydd Awyr gyda chysylltiadau teithio i Fangor
Mae meysydd awyr Lerpwl a Manceinion o fewn 1.5 awr o daith o Fangor. Mae meysydd awyr Llundain o fewn cyrraedd a gellir eu cyfuno gyda theithio gyda thrên i Fangor.
Mae gorsaf drenau Bangor wedi’i lleoli ar y lein uniongyrchol rhwng Llundain a Chaergybi. Gallwn drefnu bws gwennol hefyd i gyfarfod â phobl fydd yn cyrraedd drwy faes awyr Manceinion.
Mae glanio yn Nulyn hefyd yn ddewis i bobl sy’n hedfan i’r gynhadledd. Mae fferi gyflym yn cymryd 99 munud o Ddulyn i Gaergybi, sydd ond 20 munud i ffwrdd o Fangor.
